Bulegoko hondakinak mugatzen ditut
Paperak, tintak, pilak, baxera botagarriek, gure bulegoetako zikinontziak betetzen dituzte, saihesten ahalko genituzkelarik. Gure hondakin ekoizpena ttipitzea benetazko ekintza eko-arduraduna da. Zure lankideekin desafioa partekatu !
Gure paper inprimatzea murriztuz, gure urteko hondakin ekoizpena 6kg-z ttipitu dezakegu.
Papera, gure bulegoetako hondakinen %80a
Paperaren kudeaketan urrezko araua bada… hiru hitzetan laburbiltzen dena : ttipitu, berrerabili, birziklatu.
Ttipitzeko
- Bulegoko gutunontzian “PUBarik ez” kolakia ezarri
- Inprimitzean edo kopiatzean orriaren aitzin eta gibelaldeak erabili. Pentsa gisa hortara moldatzea zure ordinagailua defautez.
- Zure gutun elektronikoak beharrezkoa delarik baizik ez inprimitu.
- Zure inprimagailuan tinta ekonomia hautuak balia.
- Hosto berean orri ezberdinak inprimitzeko hautuak erabiltzea pentsa.
- Zure dokumentuetan bazterrak ttipitu eta idatzia trinkatu eremu hutsen saihesteko.
Berrerabiltzeko
- Jadanik erabiliak izan diren paperen alde hutsa balia (xatarrak, barne gutunak, fotokopia akatsak, dozier zaharkituak, etab…)
- Paper birziklatua hautatzea pentsa.
- Grama ttipiko paperra erabil.
Birziklatzeko
- Paperraren biltzeko ontziak bulego bakotx eta inprimagaliuaren ondoan kokatu. Pentsa papera berriaren hornitzeko baliatuak diren kartoineri : beren forma ideala da.
- Zure lankideeri berexketa arauak agertzen dituen dokumentu bat hedatu :
– oroitarazi paper guziak berexten direla : inprimituak, gutun azalak (plastikazko leihoarekin ere), gutunak, egunkari eta aldizkariak, publizitateak, iragarkiak, katalogo eta aurkitegiak, etab…
– oroitarazi saihestekoak diren pettoak : aldizkari zonbait inguratzen duten plastikak ez dira ezarri behar, baita paper berezi zonbaitzu, karbono papera, sulfurizatua, murru papera, argazkiak, mokanesak edota janariak zikindua duen papera. - Langile garbitzaileeri jakinarazi berexketa plantan ezarria dela, ez dezaten berexia zikinuntzi arruntarekin nahas.
- Zure herriko bilketa arauetaz informatu : bakotxaren ekarpen guneak direnez edo atez ateko bilketa denez papera beste gainestalkiekin nahasirik. Arau horiek herri edo hiri batetik bestera alda daitezke, beraz zure lan gunean nola den jakiteko herriaren izena sar atal hortan : le réseau des Ambassadeurs du tri en cliquant ICI
Bulego hornidurak, hondakinen pizua ainitz alda dezaketen hautuak
Nola ttipi daiteke bulego horniduren erabilpena ?
Bakotxaren egimoldea garrantzitsua da baina erosketa hautuak funtsezkoak dira :
- Produktu berrerabilgarri edo iraunkorrak hauta (tinta gabeko zurezko arkatzak, berriz kargatu daitezken idazlumak,…)
- Inguramen edo osasunarentzat arriskutsuak diren elementuak saihestu. Disolbagarririk gabeko kolak hauta, ur edo landare oinarriekin egina, makilez likidoa baino hobe, disolbagarririk gabeko ezabatze tintak (sagu edo ezabatze xingola idor eta berriz kargagarria), zurezko arkatzak. Ekolabeleri pentsa (NF environnement edo europako ekolabelak) kalitate frogak baitira eta inguramenaren errespetua segurtatzen baitute.
- Zure fotokopiatzailearen tinta kartutxak berriz kargatu.
- Berriz kargatzen diren pilak balia. Bestela, baitezpada berexi behar dira eta horien biltzeko gune berezietara ereman.
- Hobe paketa lodietan bilduak diren produktuak, edo nahas mahas hornituak direnak.
Bilkuretan egin hondakinak, usu ahantziak
Enpresen gertakarietan edo bilkuretan ardura baxera botagarria erabiltzen da. Orduan zure enpresaren hondakinen ekoizpena ttipitzeko, huna aholku arrunt batzu :
- Plastikozko kafe ontzia, nahastekoa, azukre eta kafe bakarkako dosiak eta ur botoilak kanporatu.
- Portzelanazko kikarak eros, berinezko edalontzi eta pitxerra, kafegailu eta azukre ontzia. Biziki fite errentagarri izanen da botatzen diren baxeren eta bakarkako dosien kostuari begira.